کراچی میں کورونا سے انتقا ل کرجانے والوں کو کہاں پر دفن کیا جائے گا ؟ ہدایات جاری کر دی گئیں

میئر کراچی وسیم اختر نے کہا ہے کہ کورونا سے انتقال کرجانے والوں کو کراچی کی مخصوص 5 قبرستانوں

 میں دفن کیا جائے گا۔

نجی ٹی وی ہم نیوز کے مطابق میئر کراچی کراچی کے مطابق کورونا وائرس سے انتقال کرجانے والوں کی محمد شا ہ قبرستان، سرجانی ٹاون قبرستان اور مواچھ گوٹھ قبرستان میں تدفین کی اجازت ہو گی۔وسیم اختر نے کہا ہے کہ کورنگی نمبر چھ قبرستان اور اورنگی ٹاون گلشن ضیاءقبرستان میں بھی تدفین کی اجازت ہے ۔ نماز جنازہ میں 2 قریبی رشتہ داروں کو شرکت کی اجازت ہوگی۔مئیر کراچی کے مطابق قریبی عزیزوں کو قبرستان میں میت کے آخری دیدار کی اجازت نہیں ہوگی۔

واضح رہےکہ کورونا سے پاکستان میں بھی اموات اور نئے کیسز آنے کا سلسلہ نہ رک سکا اور ملک میں متاثرین کی تعداد 1625 ہو گئی جبکہ 20 افراد زندگی کی بازی ہار گئے ہیں۔

پاکستان میں ایک روز میں سب سے زیادہ اموات 29 مارچ کو ریکارڈ کی گئیں، جہاں سندھ ، پنجاب، خیبرپختونخوا اور گلگت بلتستان میں مریض دم توڑ گئے